 |
| Pixabay.com |
Ini adalah contoh pidato bahasa Bali yang bertema ngajegang budaya Bali. Pidato ini bisa digunakan sebagai referensi dalam membuat tugas sekolah.
Berikut adalah teks pidatonya dan mudah dipahami.
Ngajegang Budaya Bali
Bapak Kepala Sekolah sane wangiang titiang. Bapak lan Ibu guru sane kusumayang titiang. Punika taler para sisia sane banget tresnaasih titiang. Sadurung titiang matur amatra pinih riin ngiring sareng-sareng ngastiti bhakti ring Ida Sang Hyang Widhi Wasa, malarapan antuk nguncarang panganjali umat.
Om Swastiastu
Sakinganing pasuecan lan asung kertha wara nugraha Ida, titiang prasida ngiring Ida dane sareng sami tur ngamangguhang karahayuan lan kerahajengan jagat. Ring genah lan galah sane becik puniki, lugrayang titiang ngaturang sembrama wacana sane mamurda “Ngajegang Budaya Bali”.
Kawentenan pulo Baline pinaka pulo wisata budaya sampun kaloktah kantos ke dura Negara. Sampun sami uning tur pawikan, punika sami ngawinang jagat Baline kaparinama olih parajanane “Pulau Seribu Pura”, Pulau Dewata, Pulau Surga utawi the last paradise. Napi sane ngawinang Pulau Baline kaparinama asapunika?
Sane ngawinang Pulau Baline kaparinama asapunika tur kasenengin olih para janane boyaja tios, santukan kaasrian palemahan Pulo Baline, napi malih wenten seni lan Budaya Bali. Mangda budaya Baline tetep asri lan lestari.
Silih sinunggil sane kanggen nguratang tur ngewerdiang Seni budaya inggih punika wantah Basa Bali, tetabuhan lan tari-tarian sane pinaka tetamian utawi warisan saking leluhur Bali. Punika ngawinang iraga patut bangga dados generasi penerus Bali. Pinunas titiang sumangdane budayane nenten rusak tur punah, ngiring sareng-sareng lestariang budaya Baline.
Ida dane miwah semeton sami sane banget kusumayang titiang kadi asapunika titiang prasida matur-atur ring galahe sane becik puniki. Mogi-mogi wenten pikonipun, ring wesananing atur, banget titiang nglungsur geng rena pengampura yening wenten atur titiang sane nenten munggah ring arsa. Matur suksma antuk uratian ida dane sinamian, pinaka panguntat, puputang titiang antuk parama santhi.
Om shanti, shanti, shanti, Om